سلوان..........

بقلم:محمد ايمن

قبل ايام  دخل المستوطنون الى سلوان وهاجموا اصحاب البلدة بالرشاشات والبنادق وقنابل الصوت وقنابل الغاز تحت حماية الاحتلال الاسرائيلي .

استشهد في بلدة سلوان ((سامر سرحان)) واصيب العديد من الشبان في المظاهرات التي حصلت واثناء تشييع الشهيد سامر ايضا اعتدى المستوطنون عليهم بالقنابل والبنادق الرشاشة التي توجد معهم .

وعلى خلفية استشهاد سامر سرحان رحمه الله ..تم اعتقال رجل الامن الذي قتل الشاب سامر والمفاجاة هنا بان بعد ساعات من اعتقاله تم الافراج عنه عنجد عدالة وقانون يا للمهزلة الي في اسرائيل وحكوماتها ....

هذا موضوع نسمع عنه كل يوم في وطننا الحبيب (فلسطين)

هناك شهيد...هناك جريح...هناك اسير...هناك مبعد...

موضوعي هذا ليس عن الذي كتبته فوق في هذا المقال الموضوع كالاتي:

في صديقة الي كنت اتناقش انا واياها فبتحكيلي والله اليوم كنت في زيارة لمحكمة اخوي في سجون الاحتلال حكيتلها يا ستي انشالله  بطلع بالسلامة وما بدك هالمحكمة ولا الزيارة .

الي لفت انتباهي للموضوع كلو انو خليتها تقرا الموضوع الي قبل عن ميسي المسكين وحكتلي والله اليوم احزنت على الي صار في سلوان يعني هزت مشاعرها.. حكتلي انشالله هالميسي بموت هو كاين حد من اهلي... المهم فبتحكيلي  كنت في التكسي واسمعت عن سلوان عن الي صاير فيها.. فنط واحد من طلاب احدى الجامعات الا هو بحكي سلوان.. طيب ما سلوان اهلها باعوها لليهود زمان

بيني وبينكم انصدمت في هالحكي انو شاب جامعي بحكي هذا الحكي .

يخي لو باعوها بدافعوا عنها الاحتلال.... مش  بحاصرهم وبذبحهم وبعتقلهم ....اكيد لحد هلا انتو مش فاهمين هذا الموضوع عن ايش

انا بدي احكيلكم حبيت اكتب الي في داخلي يعني الي سمعتو عن الشاب الفلسطيني الي احكا هيك هذا شاب جاهل لا يفقه شيئا في حياته عندما يتكلم كلام مثل هذا الكلام مناشدتي في هذا الموضوع ان يتم توعية الشباب الفلسطيني في الجامعات ليس في المدارس .

لانوا ذا بتيجي عطالب مدرسة بتحكيلوا شو رايك في الي بصير في سلوان بحكيلك والله اشي عنجد مؤثر كثير... اما تيجي على طالب جامعة زي هالجاهل الي احكا انو سلوان انباعت من زماااااان راح يحكيلك نفس الحكي يعني انباعت سلوان  لانو ما في حد بوعيي في هالجامعة الي بدرس فيها يعني بالعربي وبكل صراحة ووضوح صفت جامعاتنا بس جامعات للتسالي وقت ما بدي اروح بروح ووقت ما بدي ما اروح ما بروح بس في النهاية طالب متل هاذا الطالب ما لازم يدخل جامعات وانا بحكيلوا خليك في البيت احسن الك يا كبير ولا حول ولا قوة الا بالله ومثلما اقول دائما الله يصلح هالحال الي احنا عليه.