بقلم:محمد أيمن
قبل أيام جاءت لعبة برشلونة واتلتيكو مدريد انتهت النتيجة بفوز برشلونة على اتلتيكو مدريد 2/0 مثلما سمعت من البعض قلت في نفسي شيء عادي لا يهمني ولا باي شكل من الأشكال غلبت برشلونة في هذه المباراة مثل أي مباراة كانت.
الذي لفت انتباهي من البعض يقولون بان ميسي قد أصيب إصابة خطيرة جدا في القدم صرت اتسائل أنا ونفسي يا ترى كيف أصيب هال ميسي هل أطلق النار عليه آم هجم عليه الجمهور أم محاولة اغتيال لميسي المسكين يا خسارة ميسي اتصاوب يعني انتهت برشلونة حسب قول البعض ولكن هي منتهية في الاساس وكل لعبة رياضية منتهية لانها تلهي هذا الشعب المسكين والفقير عن قضيته وتلهيه عن شهدائها وتلهيه عن اسراها وعن مبعديها الذي يحتجون كل يوم على الذي لا
يسأل عنهم اكيد انتم تتسائلون من هو الذي لا يسال عنهم انا اقول لكم انتم الذين لا تسالون عنهم ولا تهتمون في قضيتهم العادلة .....نرجع لموضوع ميسي المسكين ضليت اتسائل كيف اصيب ميسي ما حد يرد علي فيوم من الايام قاعد على الكومبيوتر وحكيت خليني ادخل على اليوتيوب اشوف لعبة برشلونة واتلتيكو مدريد بلكن اعرفت وحليت عقدتي الي اتعقدت منها من كثر ما بسال كيف اتصاوب هالميسي دخلت عاليوتيوب وكتبت اصابة ميسي جائني الف اصابة لميسي في اكثر من مباراة ولكن انا لا اريد الاصابات الماضية بدي اشوف الاصابة الجديدة الي اتصاوبها وكيف اتصاوبها الي جننوني فيها الشباب والله ودخلت على اليويتيوب وكتبت اصابة ميسي 2010 يعني اخر اصابة اوب اوب اوب اوب اوب عنجد شيء مخزي جدا جدا جدا عندما رايت ميسي وهو متصاوب وبيني وبينكم اصابته ما هزت شي فيا لانو ميسي ما بعنيلي ولا اشي لا هو اخوي ولا ابوي ولا حبيبي ولا صديقي ولا ابن بلدي .
يعني انا كنت اسال هالشباب والصبايا الي بسمعهم بحكوا ميسي اتصاوب وهديك تحكي مسكين هالميسي انا اتفاجات ميسي اتصاوب بس اتصاوب وهو بلعب كرة قدم ما اتصاوبش وهو بناضل طلع مش من الي في بالي كلو لا اطلاق نار ولا محاولة اغتيال ولا الجمهور هجم عليه وضربة طلع ميسي ماكل ضربة على قدمة عنجد شي مزعج عند البعض بان ميسي اتصاوب ولكني اقول ان شالله يا ميسي بتتعافى من اصابتك عشان الي بحبوك يرجعوا يحلفو فيك وينبسطوا انك رجعت وانا عن نفسي ترجع ولا ما ترجع مش فارقة .وانا بكتب في هذا المقال اتسائلت شغلة يعني اليوم الي بكتب فيه المقال.. سلوان مثلا يعني هذا اشي واحد من الي بصير في شعبنا قرات على الاخبار بان هناك مظاهرات وضرب حجارة واعتقالات واستشهاد فلان واصابة فلان .
يعني انا عن نفسي شيء هز مشاعري هز وذبحني ذبح صار نفسي اروح على سلوان عشان عالقليلة اتضامن معهم بس بصراحة انا سالت احد الشبان الي بحب ميسي صديقي يعني بحكيلوا شو اسمعت شو صار في سلوان؟ بحكيلي شو صار؟ بحكيلوا في شهيد واصابات واعتقالات ومولعة... يعني فرد علي بحكيلي والله يا رفيق انو ما اسمعت شي بحكيلوا شو اخبار ميسي قال والله اسكت ميسي راحت عليه بحكيلي بزعل يعني يا خسارة على ميسي حكيتلوا الله ينعن ميسي وابو ميسي الي بخليك تزعل هيك يا زلمة بحكيلك سلوان وانت زعلان عميسي أي روحوا انتو وميسي تبعكوا روحوا اتطلعوا علي بصير فينا احنا في مجتمع اصبح ريال مدريد وبرشلونة ولا حول ولا قوة الا بالله ومثلما اقول دائما الله يصلح هالحال الي احنا عليه
ليست هناك تعليقات:
إرسال تعليق