بقلم محمد ايمن
هناك ايها الناس في مجتمعنا الفلسطيني يوجد لاجئ يعني حسب ما بفكروا البعض شارد من بلدوا وهناك ابن القرية والي زي ما بحكوا البعض انو ضل في بلدوا واستقر وما شرد .
موضوعي هون لابن القرية :
قبل كم من يوم كنا قاعدين في جلسة شباب مع بعض فواحد من اولاد قرية عنا في بيت لحم بدون ذكر اسم القرية بسالوا واحد ثاني فبحكيلوا شو بنيتوا فوق حيط داركوا الا هو بحكيلوا والله ما بنينا حاس حالي زي اولاد المخيمات في هالدار قاعد في خيمة فحكا واحد من الشباب اللاجئين الا هما معنا قاعدين فبحكيلوا شو مالهم اولاد المخيمات عايشين ا حلى عيشة وبوكلوا احسن اكل وبلبسوا احسن لبس الا هو بحكيلوا روح يا زلمة هو في بعد عيشتنا......
هلا موضوعي كالاتي :
شو مالهم اولاد المخيمات عايشين زيهم زي غيرهم بوكلو وبشربوا وبلبسوا بس نظرة الناس فيهم بنظرولهم كانهم شي عابر في الدنيا يعني مش سائلين عنهم بس انا بدي احكي لاولاد القرى الي بضلوا يحكو عن اللاجئين تاخذونيش في هذي الكلمة مشرتحين.... انو اللاجئ وين ما راح بضل لاجئ وبفتخر في هاي الكلمة يعني لا بسال عنك يا ابن القرية ولا بسال على الي ازعم منك وبكفي انو اللاجئ وين ما يروح في الو هيبة مش زي البعض .
انا ما بدي اجرح في كلامي الي حكيتوا بس بدي الي يقرا هذا الحكي انو يحس انو في ناس بديش احكي محتاجين لانو الحال من بعضوا يعني نفس الحال ونفس العيشة الي احنا عايشينها لانو اللاجئ لما يروح على قرية بتكون بلدو وبتكون قريتوا على أي قرية بروحها مش لازم كل واحد في هالدنيا يحسسوا انو غريب مع انو هو نفسوا بحسش هذا الاحساس
وفي الكلمة الاخيرة بدي احكي انو احنا يا ناااااااااااااااااااااااااااااااااااااااااااااس عايشين في وطن واحد اسمو فلسطين يعني لا تحكيلي لاجئ ولا تحكيلي ابن قرية لانو الي بصير على هذا بصير على هذا يعني يوم الجيش يعتقلوا حدا من هالبلد الناس بتحكيش ابن القرية ولا بتحكي اللاجئ بتحكي انو فلان اعتقلوا الجيش مش زي ما بفكرو البعض..... والله يا رب يصلح هالحال الي احنا عليه
في ملاحظة بدي احكيها :انو انا يوم ما اكتب الحكي هذا بحكي في لهجتي الاصلية لانو الواحد يمكن في لهجتوا بعبر اكثر ما يقعد يكتب في اللغة العربية الفصحى
ليست هناك تعليقات:
إرسال تعليق